Мектеп Президенті Габдуллина Дильназ Сабитовна

19.10.2024  мектепте өзін – өзі басқару ұйымының Президентінің сайлауы өтті. Сайлауға 8-10 сынып оқушылары арасынан 3 оқушы үміткер болып, өз бақтарын сынады. Олар: 8 «Б» сынып оқушысы Абдильманова Анель, 9 «В» сынып оқушысы Габдуллина Дильназ, 10 «В» сынып оқушысы Белгібай Аружан. Үміткерлер өз бағдарламаларын мектептің инстаграмм парақшасына жариялады және сыныптарды аралап бағдарламаларымен таныстырды.

Фракция мүшелері арасынан арнайы комиссия құрылды. 8-11 сынып оқушылары 1-ауысымда арнайы белгіленген уақыттарда дауыс берсе, 5-7 сынып оқушылары да 2-ауысымда белгіленген уақыттарда дауыс берді. Сонымен қатар мектеп ұстаздары да өз таңдауларын жасады.  
16.00-де дауыс беру аяқталып, комиссия мүшелері дауыстарды санады.  
Дауыс беру қорытындысы бойынша Габдуллина Дильназ 306 дауыс, Белгібай Аружан  269 дауыс, Абдильманова Анель 34 дауыс жинады. 
Қорытынды мектептің инстаграмм парақшасында жарияланды.